Molto Loud

Molto Loud - 2015 жылы Алматы қаласында әнші Арман Тобағабыл мен гитарист Темірлан Қыдырғазымен құрылған қазақстандық рок-топ. Балалар мектеп кезінен дос болып, музыкадағы бірдей талғамдары өз әндерінің жарық көруіне итермеледі. Әр түрлі топтарда ойнай отырып, жігіттер ән жазуды жалғастырып, өз стилін іздеді. Осының барлығы топтың пайда болуына әкелді.
Топтың дыбысы альтернативті музыкамен негізделе отырып, әртүрлі жанрлардың қоспасымен сипатталады.
Алматылық SoundLab Records студиясы мен Efes компаниясы ұйымдастырған Amsterlive SoundLab музыкалық байқауында жеңіске жетуі Molto Loud үшін алғашқы үлкен серпіліс болды. Бұл сайыстағы жеңімпазды ірі музыкалық компаниялардың өкілдерінен тұратын халықаралық қазылар алқасы таңдады. Осы жеңістің арқасында жігіттер Вена қаласындағы Waves шоукейс фестивалінің қатысушылары болды.
2016 жылы топ Colisium халықаралық музыкалық конференциясына қатысып, Jager Music Week шоукейс фестивалінің аясында өнер көрсетті.
Қазіргі уақытта Molto Loud Қазақстанда және одан тыс жерлердегі түрлі концерттік алаңдарда 50-ден астам концерт қойып үлгерді. Үлкен музыкалық фестивальдердің тұрақты қатысушылары болып, олардың екеуінде хедлайнер рөлінде өнер көрсетті: Summer Nomad Vibes және Бәйтерек алаңында EXPO2017 аясында өткізілген Ready.Set.Loud! (Астана) фестивалі, сондай-ақ ірі қалалық іс-шараларда өз өнерін көрсетті.
"Different" атты топтың дебюттік альбомы 2017 жылы 22 Шілде күні жарық көрді. Бір ай көлемінде ол iTunes чартындағы алғашқы орындарда болды. Осы уақыт ішінде альбом туралы көптеген жағымды пікірлер айтылып, әлемнің көптеген елдерінде қарқынды сатылуда.
Molto Loud тобының бес композициясы «Бойжеткен» фильмінде саундтрек ретінде орындалды.